KSV 4 - Winterswijk 4 (1 - 1)

Alles was af e last, ut was te nat moar wej mochten op ut eerste veld. De veldverwarming was kapot, moar ut ging d’r eet minder umme. Alene wej konden de Winterswieksen slecht verstoan ( Turks) en op d’n karktoren kon wej weer zeen wanner ut most beginnen. Veur de thee haw de gedachten d’r effen neet bej 0 – 1. Moar de kansen haw wal moar ze woln d’r neet in. En langs de lijne was ut ok in odder, wat ne knobbe volk. De gasten worden egal banger.En dan kom ej kort bej de rooie kaarten, ut lek wal schoffel’n. En jowal, Wim van de Windmölle was an de beurte, vief minuten d’r uut. Moar den anna had d’r ok uut e mot’n. De zenuwen begon’n op te spöl’n. Ene van de önzen zeg ik heb e dretne. Toen ging Joris Drieks alene oaver links en he pinken de bal binnenkante poal binnen 1 – 1. En zo haw mooi ne punte teggen de nummer 2. Vlagger van de wekke: Harrie van de Snieder, he leggen de cornebal dree keer lieke. Dennis van Tone Virupa had al wintersloap, zonder afmelden hew um neet e zene vandage ( kiste bier ). Remco van Jan bent was um een uur noar berre hen e goane moar um negen uur had e al e sloapne, wat ne veurbereiding. Rob Huisman zeg nooit wat moar wat ne warken. Doarum mog he de darde helfte met noar de kerstmarkt. Lezer van de wekke: Carla van Raymond Lintworm. Volgende wekke zit wej in de kerststal. Rob Huisman lig al in de kribbe. Mocht ons verhaal neet in de Elna kommen of ej wilt ut nog uns noalezen kiek op www.ksv-vragender.nl KSV 4 wenst oew leu prettige feestdagen en un goot uutende. Tot volgend joar.