KSV 4 – Halle 3 (0 – 2)

De zunne stond al weer hoge an de loch en de varkens bej Jan Kampshof stonden al weer an de trog. Sinterkloas is ok weer in Vroagender an e komne. Zal he veur ons 3 punten hebben met e nomne? Arjan van Andre van Hemink Tone kon vandage in bedde blieven liggen. He wol wal kommen kieken moar wej hebt um neet e zene. De leidekkers van de karke maakt mooi wark. Wim van de windmölle had op de toch e legene. Esther van Leveringboer had um de dekkens af e pakt. ’T Pötjen begon good. Wej hadden de kop op winnen stoan. Alles leep zoals dat mot. Rob van Louise Drieks was d’r ok weer noa 5 wekke vakantie in ut leger. He is noa opper zandhaas. Zelfs Ollo veul’n zich vandage 25, he maken prachtige acties. Ut ging good tot wej un doelpunt teggen kregen. Jos van Joke Drieks kreeg ne trap teggen zien enkel, ut hele elftal was van slag. Haino van Harrie en Lidy Kroezen was jeurig e west. En Vroagender is an ut vergriezen, Wilfried van Schaars Agnes was 50 e wordne en hef Abraham e zene. Volgende wekke bunt wej vrej. Lezer van de Wekke: Sunterkloas.