Onzen Golieman Jos Bulteman was noar zien vakantiehuusken, gröszoden leggen veur ons trainingskamp. Jan Kampshof was noar Mallorca, broen wasse al, moar nog neet stressbestendig. De maiscross was al an de gange. Moar de meeste mais is d’r ok af. Ons perceeltjen was kats bevroarne. De vloerverwarming was kaduuk ( deed neet) Onzen scheits doar lag ut neet an vandage, Bokkers van Roumaat fluiten good. Hee ging verhuuzen zegg e. Ruben van Peter van Drieks haw tussen de pöste. En Stef van Bernard en Astrid van de Schaarweg 2A haw ok in e huurt. Moar ze wazzen d’r net weer van Bocholt, maor dat was ze neet an te zeen.
De tweede helfte was ut vredomd rustig op ut veld. Moar Remco van Jan van Bent maken in ne paar minuten twee goals en dat al laatste man. Moar ene deed he d’r in eigen goal. Tone van Tone hat de hutte weer verhuurd an ene uut ut belegh van Groll. Noa stoppe wej d’met ik mot nog hen heujen. Volgende wekke buw vrej.
Geplaatst op 16-10-2011 17:24 door Bjorn Garstenveld in Senioren