KSV 4 - Wolfersveen 3 (1 - 0)

De PR-man was d’r net weer van ne lange vakantie. He was ne paardagen noar Barcelona e west. Ut mos de weide weer in. Ut was d’r warm an vandage. Onze jongens haden al raps last van Zwoksels. D’r zat dufrig galle in. Ut ging egal hen en weer, moar d’r worden neet e scoort. D’r kwamen als moar meer kiekers langs de liene. Kan ok neet anders met zo’n mooi weer. In de rust word’n d’r tactisch e wisseld. Onzen Raymond ( Lintworm) van Carla en Dennis van Tone Virupa kwammen d’r in. Ut begon better te lopen. Rob van Louise Drieks roazen hen en weer en kwam in ens met ne pegel op de goal. 1 – 0. En zo haw dree punten in de tasse. Noa de wedstrijd deed onzen sponsor d’r nog ne kiste bier in veur de oaverwinning. Volgende wekke uut noar Vosseveld. Bertie Sonderen geet met. Lezer van de wekke: Ursula Baumann, met eur waakhond Mazzel. (Succes met de lottereje)